Mana Aksharam
  • Home
  • Breaking
  • ఢిల్లీలో ప్రారంభమైన ‘ధర్మపోరాట దీక్ష’
Andhra Breaking Headlines Homepage-Slider News Politics

ఢిల్లీలో ప్రారంభమైన ‘ధర్మపోరాట దీక్ష’

విభజనతో నష్టపోయిన ఆంధ్రప్రదేశ్‌కు మోదీ ప్రభుత్వం చేసిన అన్యాయంపై ఏపీ సీఎం చంద్రబాబు దేశ రాజధాని ఢిల్లీ వేదికగా పోరాటం ప్రారంభించారు. ప్రత్యేక హోదాతో పాటు ఆంధ్రప్రదేశ్ పునర్వవస్థీకరణ చట్టంలోని అన్ని హామీలను అమలు చేయాలని డిమాండ్ చేస్తూ ఢిల్లీలో సోమవారం ధర్మపోరాట దీక్ష చేపట్టారు. ఉదయం రాజ్‌ఘాట్‌కు చేరుకున్న చంద్రబాబు జాతిపిత మహాత్మాగాంధీకి నివాళులర్పించారు. అనంతరం ఏపీ భవన్‌కు చేరుకుని రాజ్యాంగ నిర్మాత అంబేడ్కర్‌‌కు నివాళులర్పించిన అనంతరం చంద్రబాబు దీక్ష ప్రారంభించారు. ఉదయం 8 గంటలకు ప్రారంభమైన ఈ దీక్ష రాత్రి 8 గంటల వరకు సాగనుంది.

ధర్మపోరాట దీక్ష కోసం ఏపీ భవన్ ప్రాంగణంలో భారీస్థాయిలో వేదిక ఏర్పాటు చేశారు. సుమారు ఏడువేల మంది కూర్చునేందుకు వీలుగా ప్రాంగణాన్ని సిద్ధం చేశారు. ఈ దీక్షలో పాల్గొనేందుకు మంత్రులు, టీడీపీ ఎమ్మెల్యేలు, ఎమ్మెల్సీలు, కార్పోరేషన్ల ఛైర్మన్లు, టీడీపీ కార్యవర్గ సభ్యులు ఢిల్లీకి చేరుకున్నారు. చంద్రబాబు దీక్షకు మద్దతుగా రాష్ట్రంలో టీడీపీ ఆధ్వర్యంలో దీక్షలు, నిరసన కార్యక్రమాలు చేపట్టనున్నారు. 

ఈ దీక్షలో జాతీయ పార్టీల నేతలు పాల్గొని సంఘీభావం ప్రకటించనున్నారు. ఏఐసీసీ అధ్యక్షుడు రాహుల్ గాంధీ, ఎన్సీపీ అధినేత శరద్ పవార్, ఢిల్లీ సీఎం కేజ్రీవాల్, ఇతర ప్రతిపక్షాల నేతలు దీక్షా శిబిరాన్ని సందర్శించి మద్దతు ప్రకటించనున్నారని టీడీపీ నేతలు చెబుతున్నారు. ఏపీకి కేంద్రం చేస్తున్న అన్యాయంపై ఏపీ మంత్రులు, ఎంపీలు, ఎమ్మెల్యేలతో కలిసి చంద్రబాబు మంగళవారం రాష్ట్రపతి రామ్‌నాథ్ కోవింద్‌ను కలిసి వినతిపత్రం అందించనున్నారు. 

 

Related posts

అభిమాని కుటుంబానికి రూ.50లక్షల సాయం

Masteradmin

ఎంపీ శివప్రసాద్‌పై తమన్నా‌ ఫిర్యాదు..

admin

మేమేం పిచ్చోళ్లం కాదు. రవిశాస్త్రి వార్నింగ్!

Masteradmin