sleeping hours causes death effects
sleeping hours causes death effects

నిద్ర అవసరానికి మించిన తగ్గిన కష్టమే..!

రోజూ కంటి నిండా నిద్రపోతే శారీరకంగా, మానసికంగా ఆరోగ్యంగా ఉంటాం. తక్కువగా నిద్రపోవడం లేదా అతి నిద్ర అనేక సమస్యలకు దారి తీస్తుంది. గుండె జబ్బులు, కేన్సర్ లాంటి వ్యాధులకు ఇది కారణం అవుతుంది. నిర్ణీత సమయం కంటే నిద్ర తక్కువైనా లేదా ఎక్కువైనా.. మరణించే ముప్పు పెరుగుతుంది. రోజుకు పది గంటలకు పైగా నిద్రిస్తే.. మరణించే ముప్పు 41 శాతం పెరుగుతుందని ఓ అధ్యయనంలో వెల్లడైంది. రోజుకు 9-10 గంటలు నిద్రించే వారిలో ఇది 17శాతం ఎక్కువని తేలింది.
గంటల తరబడి నిద్రించడం వల్ల గుండె జబ్బుల బారిన పడటంతోపాటు, మరణించే అవకాశాలు అధికం అవుతున్నాయని తాజా అధ్యయనంలో వెల్లడైంది. రాత్రుళ్లు ఆరు గంటలు, అంత కంటే ఎక్కువ సేపు నిద్రిస్తూ.. పగటి పూట కునుకు తీసేవారికి గుండె జబ్బుల ముప్పు బారిన పడే ఛాన్స్ ఉందట. అదే రాత్రి పూట ఆరు గంటల కంటే తక్కువ నిద్రించే వారు పగలు నిద్రపోయినా.. ఈ రిస్కేమీ కనిపించలేదట.

రోజుకు ఆరు గంటల కంటే తక్కువ నిద్రపోయే వారికి కూడా అకాల మరణం ముప్పు 9 శాతం ఎక్కువని పరిశోధకులు తేల్చారు. రాత్రుళ్లు తక్కువ నిద్రపోయే వారు పగటి పూట కునుకు తీయాలని సూచిస్తున్నారు. రోజుకు 6-8 గంటల సమయం నిద్రపోవాలని కెనడాలోని మెక్‌మాస్టర్ పరిశోధకులు తెలిపారు.