sexual abuse by grandfather on his grand daughter
sexual abuse by grandfather on his grand daughter

మనవరాలిని గర్భవతిని చేసిన తాతయ్య..!!

కామంతో కళ్లు మూసుకుపోయిన 65 ఏళ్ల వృద్ధుడు సొంత మనవరాలినే గర్భవతిని చేశాడు. ఇంట్లో ఎవరూలేని సమయంలో తన 15 ఏళ్ల మనవరాలిని బలవంతంగా అనుభవించాడు. ఈ విషయాన్ని తల్లిదండ్రులకు చెబితే పరిణామాలు తీవ్రంగా ఉంటాయని బెదిరించాడు. ఆ తరవాత అనేక సార్లు ఆమెపై అత్యాచారానికి పాల్పడ్డాడు. ఈ క్రమంలో బాలిక గర్భం దాల్చింది. కానీ ఆ విషయం ఆమెకు తెలియలేదు. ఇటీవల కడుపులో నొప్పిగా ఉందని తల్లికి చెప్పడంతో ఆస్పత్రికి తీసుకెళ్లారు. పరిశీలించిన డాక్టర్ బాలిక ఆరు నెలల  అని గర్భవతి చెప్పడంతో తల్లిదండ్రులు ఆశ్చర్యపోయారు.

ఆ డాక్టర్ తప్పుగా చెప్పారేమోనని నలుగురైదుగురు వైద్యుల వద్దకు బాలికను తీసుకెళ్లారు. ప్రతి డాక్టర్ ఇదే విషయాన్ని స్పష్టం చేశారు. దీంతో తల్లిదండ్రులు బాలికను ప్రశ్నించగా అసలు విషయం బయటపెట్టింది. సొంత మనవరాలని కూడా చూడకుండా ఆమెను గర్భవతిని చేసిన తాతయ్యపై బాలిక తల్లిదండ్రులు ఆదివారం రాత్రి పోలీసులకు ఫిర్యాదు చేశారు. సోమవారం పోలీసులు వృద్ధ కామాంధుడిని అరెస్టు చేశారు.

ఇంతకీ ఈ ఘటన మహారాష్ట్రలోని బిద్కిన్ గ్రామంలో చోటుచేసుకుంది. బాలిక ఆరు నెలల గర్భవతి కావడంతో అబార్షన్‌కు కూడా అవకాశం లేదని డాక్టర్లు స్పష్టం చేశారు. రోజు కూలీలమైన తాము పనికి వెళ్లే సమయంలో ఇంట్లో తాతా మనవరాళ్లే ఉండేవారని, కడుపులో పెట్టుకుని చూసుకోవాల్సిన మనవరాలిపై ఇలా అత్యాచారానికి పాల్పడతాడని అనుకోలేదని బాలిక తల్లిదండ్రులు కన్నీరుమున్నీరు అవుతున్నారు.