Mana Aksharam
  • Home
  • Breaking
  • మోదీకి పాలించే అర్హతే లేదు: చంద్రబాబు
Andhra Breaking Headlines Homepage-Slider National News Politics

మోదీకి పాలించే అర్హతే లేదు: చంద్రబాబు

తెలుగువారి సత్తా చూపించడానికే ఢిల్లీ వేదికగా ధర్మపోరాట దీక్ష చేపట్టినట్లు ఏపీ ముఖ్యమంత్రి చంద్రబాబునాయుడు అన్నారు. మేం ఇక్కడ ఆందోళన చేస్తోంది హక్కుల కోసమని, భిక్షం కోసం కాదని అన్నారు. ఢిల్లీలో చేపట్టిన ధర్మపోరాట దీక్షకు హాజరైన వారిని ఉద్దేశించి ప్రసంగించిన చంద్రబాబు ప్రధాని మోదీపై తీవ్రస్థాయిలో విరుచుకుపడ్డారు. కేంద్రం చేస్తున్న అన్యాయాన్ని ప్రశ్నిస్తే తమ ఎంపీలు, ఎమ్మెల్యేలపై ఐటీ, ఈడీ దాడులు చేయిస్తున్నారని ఆవేదన వ్యక్తం చేశారు. 

’తెలుగువారి ఆత్మగౌరవాన్ని దెబ్బతీస్తే మోదీకి గట్టిగా బుద్ధి చెబుతాం. పరిపాలించే వ్యక్తులు బాధ్యతగా ఉండాలి. గుంటూరులో ఆదివారం జరిగిన సభలో మోదీ నాపై వ్యక్తిగత విమర్శలకే పరిమితమయ్యారు. పెండింగ్‌లో ఉన్న విభజన హామీలేమైనా ప్రకటిస్తారేమోనని అందరూ ఆశగా చూస్తే నిరాశపరిచారు. అధికారం నెత్తికెక్కిన మోదీని త్వరలో ప్రజలే గద్దె దించుతారు. ప్రజలపై ప్రేమ లేని మోదీకి పరిపాలించే అర్హత లేదు. నవ్యాంధ్రకు న్యాయం చేయకపోతే ఏపీలో బీజేపీ పూర్తిగా తుడుచుపెట్టుకుపోతుంది. విభజన హామీలు నెరవేర్చని వారికి తెలుగు గడ్డపై అడుగుపెట్టే అర్హత లేదు’ అని చంద్రబాబు వ్యాఖ్యానించారు. 

‘కేంద్రం ఇచ్చిన నిధులకు లెక్కలు అడుగుతున్నారు. చెప్పడానికి మేం సిద్ధం. కానీ మేం కట్టిన పన్నులకు లెక్కలు మీరు చెప్పగలరా?. ఢిల్లీని తలదన్నే రాజధాని కడతామని చెప్పి కేవలం రూ.1,500కోట్లే ఇచ్చారు. పోలవరం ప్రాజెక్టు డీపీఆర్‌ను ఇప్పటివరకు ఆమోదించలేదు. ఇలా అడుగడుగునా అభివృద్ధికి అడ్డుపడుతూ.. ఎంతో చేసేశామని చెప్పుకుంటున్నారు. మూడు రోజులు సమయం ఇస్తున్నాం. కేంద్రం చేసిన తప్పుకు క్షమాపణ చెప్పి అన్ని హామీలు నెరవేరిస్తేనే ఆంధ్రులు క్షమిస్తారు’ అని చంద్రబాబు డిమాండ్ చేశారు. 

Related posts

కర్ణాటక ఎమ్మెల్యేలు హైదరాబాద్ రాకపై కేటీఆర్!

admin

ఎట్టకేలకు ఏడాది తర్వాత మోడీని కలవనున్న బాబు!

admin

కేంద్రం పై టీడీపీ అవిశ్వాస బాణం

admin