టీడీపీ వర్సెస్ జనసేన

టీడీపీ వర్సెస్ జనసేన.. బెజవాడలో ఫ్లెక్సీల యుద్ధం

టీడీపీ వర్సెస్ జనసేన.. బెజవాడ సెంటర్‌గా ఫ్లెక్సీల రాజకీయం సెగలు రేపుతోంది. రెండు పార్టీల నేతలు ఒకరిపై ఒకరు విమర్శలు చేసుకుంటూ.. పోటా-పోటీగా ఫ్లెక్సీలతో రెచ్చిపోతున్నారు. పవన్‌‌ను టార్గెట్ చేస్తూ టీడీపీ నేత కాట్రగడ్డ బాబు ఫ్లెక్సీ ఏర్పాటు చేస్తే.. దీనికి కౌంటర్‌గా జనసేన పార్టీ నేత మండలి రాజేష్ చేసిన ఫ్లెక్సీతో కార్నర్ చేశారు. ఈ రెండు ఫ్లెక్సీలు విజయవాడలో రాజకీయంగా చర్చనీయాంశమయ్యాయి.

నగరానికి చెందిన టీడీపీ నేత కాట్రగడ్డ బాబు తన ఫ్లెక్సీలో పవన్‌ను టార్గెట్ చేశారు. అందులో.. ‘పవన్ కళ్యాణ్ గారూ… నేను కూయందే తెల్లవారదందట.. ఓ అమాయకపు కోడి, అలాగే ఉంది మీరన్న మాట. మీరు మద్దతివ్వకపోతే చంద్రబాబు 2014లోనే రిటైరయ్యేవారా? ఎందుకీ అహంకారపు ప్రగల్భాలు? మీ అన్నదమ్ములంతా కలిసి 2009లో బరిలోకి దిగితే.. మీ కు వచ్చింది 18 సీట్లే. ఇప్పుడు తలకిందులుగా తపస్సు చేసినా.. మీరు ఒకటో రెండో సీట్లు గెలిస్తే గొప్ప. అంతకుమించి మీకు సీనూ లేదు.. సినిమా లేదు. ఐదు కోట్ల మంది ఆంధ్రప్రదేశ్ ప్రజల ఆశీస్సులతో మళ్లీ తెలుగుదేశం పార్టీ ఘన విజయం సాధిస్తుంది. చంద్రబాబు నాయుడు మళ్లీ ముఖ్యమంత్రి కావడం ఖాయం’ అన్నారు.

కాట్రగడ్డ బాబు ఫ్లెక్సీకి జనసేన పార్టీ అధికార ప్రతినిధి మండలి రాజేష్ కౌంటర్‌ ఇచ్చారు. అందులో ‘పిచ్చి ముదిరిన, పిచ్చి పురాణం.. ఏం తమ్ముళ్లను వేధిస్తుందా ఓటమి భయం గుర్తుకొస్తుందా దశాబ్ది ప్రతిపక్షకాలం. 2009లో బెజవాడ గడ్డ మీద మీరు జీరో.. 2014లో ఎలా అయ్యారు హీరో. మీ నాయకుడి తంత్ర ఫలమా.. మా నాయకుడి కాళ్లు మొక్కిన ఫలమా. 2019లో ఓటమి భయంతో కాదా.. కాంగ్రెస్‌తో అక్రమ సంబంధం. పచ్చ పేపర్లకి ఎక్కువ.. సింగిల్ డిజిట్‌కు తక్కువ. 2019లో ఈ గతిపట్టకుంటే.. మేం జనసైనికులం కాదు. ఖబడ్దార్ తెలుగు తమ్ముళ్లూ.. గోదారిలో మొదలైంది మీకు కౌంట్‌డౌన్. ఒక చెంప మీద కొడితే రెండో చెంప చూపించడానికి ఇది 2009 కాదని మీకు ముందే చెప్పాం.. ఒక చెంప మీద కొట్టేలోపు మీ రెండు చెంపలు పగిలిపోతాయి జాగ్రత్త’ అంటూ హెచ్చరించారు.

ఈ రెండు ఫ్లెక్సీలు నగరంలోని చాలా ప్రాంతాల్లో ఏర్పాటు చేశారు. పోటా-పోటీగా ఏర్పాటు చేసిన ఈ ఫ్లెక్సీలు చూసి బెజవాడవాసులు ఆశ్చర్యపోతున్నారు. అలాగే రాజకీయంగా కూడా ఈ ఫ్లెక్సీల పంచాయితీ కొత్త చర్చకు దారి తీస్తోంది. మరి జనసేన ఫ్లెక్సీకి తెలుగు తమ్ముళ్లు ఎలా కౌంటరిస్తారో చూడాలి మరి.

apteka mujchine for man ukonkemerovo woditely driver.