వాట్సప్‌ వ్యసనం, ఆన్‌లైన్ అడిక్షన్.. ఈ టిప్స్‌తో చెక్!

ఉదయాన్నే నిద్ర లేవగానే చేతిలోకి ఫోన్ తీసుకొని వాట్సప్ మెసేజ్‌లు చదవడం అలవాటా? రాత్రి పడుకునే ముందు కూడా స్మార్ట్ ఫోన్ చేతిలో ఉండాల్సిందేనా..? యువతరంలో ఎక్కువ మంది ఎదుర్కొంటున్న సమస్య ఇదే. ఇంకేం లేకున్నా బతికేస్తాం కానీ.. స్మార్ట్ ఫోన్ లేకుంటే, వాట్సప్ వాడకుంటే బతకలేం అనే స్థితికి వచ్చేశాం. రోజులో సగటున 200 సార్లు స్మార్ట్‌ ఫోన్‌ను చూస్తున్నామట. అంటే ప్రతి ఆరున్నర నిమిషాలకు ఓసారైనా ఫోన్ చూడాల్సిందేనన్న మాట.

73 శాతం మంది బ్రిటిషర్లయితే రోజులో కనీసం ఒక్కసారైనా ఫోన్ లేదా కంప్యూటర్ చూడకుండా ఉండలేకపోతున్నారు. మన యువతది కూడా దాదాపు అదే పరిస్థితి. నలుగురిలో ఒకరైతే నిద్రపోయే సమయం కంటే ఎక్కువగా ఆన్‌లైన్‌లోనే గడుపుతున్నారు. దీన్ని బట్టే స్మార్ట్ ఫోన్ తెరకు మనం ఎంతగా బానిసలమయ్యామో అర్థం చేసుకోవచ్చు. ఇక 16 నుంచి 24 ఏళ్ల మధ్య వయస్కుల్లో 70 శాతం మంది మాట్లాడం కంటే చాటింగ్ చేసుకోవడానికే ఎక్కువ ప్రాధాన్యం ఇస్తున్నారట. సగటున ఒక్కో టీనేజర్ బెడ్ మీది నుంచే నెలలో 3400 ఎలక్ట్రానిక్ మెసేజ్‌లను పంపిస్తున్నారట.

ఇంతకూ వాట్సప్ చూస్తే, ఆన్‌లైన్‌కు అడిక్ట్ అయితే ప్రాబ్లం ఏంటని అనుకుంటున్నారా..?
* పదే పదే వాట్సప్ మెసేజ్‌లను చెక్ చేయడం కోసం ఫోన్ చూడటం వల్ల ఏకాగ్రత దెబ్బతింటుంది. క్లాస్‌లో లెక్చరర్ చెప్పింది బుర్రకు ఎక్కదు. ఎదుటి వ్యక్తి చెప్పింది శ్రద్ధగా వినలేం.

* తను ఆన్‌లైన్‌లోనే ఉన్నాడు, కానీ రిప్లయ్ ఇవ్వట్లేదు, అంటే నన్ను పట్టించుకోవడం లేదనే తొందరపాటు అభిప్రాయాలకు వచ్చే వీలుంది. దీని వల్ల అనుబంధాలు దెబ్బతింటాయి.

* వాట్సప్‌లో మీరేం చేయనక్కర్లేదు, ఒక్కసారి స్టేటస్ పెట్టి చూడండి. మీ స్టేటస్ చూసినవారు ఎవరెలా రిప్లయ్ ఇస్తున్నారో మీకే తెలుస్తుంది. ఏ మాత్రం తేడాగా స్టేటస్ పెట్టినా ఇక అంతే సంగతులు, గాసిప్‌లకు ఛాన్స్ ఇచ్చినట్టే.

* వాట్సప్‌లో షార్ట్‌కట్‌లో మెసేజీలు పెట్టడం అలవాటైందా. దీని వల్ల అర్థం పర్థంలేని భాషలో ఎగ్జామ్స్ రాసే ప్రమాదం కూడా ఉంది. పరీక్షలో రాసే పదాల్లోనూ షార్ట్ కట్స్‌ వాడితే మనకు మార్కులు తగ్గడమే కాదు, పేపర్లు దిద్దేవారు బుర్రలు పీక్కోవాల్సిన పరిస్థితి తలెత్తుతుంది.

apteka mujchine for man ukonkemerovo woditely driver.