దేశంలోనే తొలిసారిగా.. హైదరాబాద్‌లో శునకాల కోసం ప్రత్యేక పార్క్!

శునకాల కోసం ప్రత్యేక పార్కా? చిత్రంగా ఉందే!! అని అనుకుంటున్నారా? డాగ్ పార్క్స్ అనేవి విదేశాల్లో మామూలే. అయితే, ఇండియాలో ఇప్పటివరకు ఇలాంటి పార్క్ ఒక్కటి కూడా లేదు. దేశంలోనే తొలిసారిగా హైదరాబాదులోని కొండాపూర్‌లో ఈ డాగ్ పార్క్ నిర్మించారు. ఈ పార్క్ ప్రత్యేకతలను, ఫొటోలను చూసేద్దామా!

కొండాపూర్‌లో 1.3 ఎకరాల్లో జీహెచ్ఎంసీ ఈ డాగ్ పార్క్ నిర్మించింది. పచ్చదనంతో తళుకులీనుతున్న ఈ పార్క్ ఒకప్పుడు డంపింగ్ యార్డు.

ఈ పార్కులో శునకాల శిక్షణ కేంద్రం కూడా ఉంది. అలాగే శునకాలకు అవసరమైన సామాగ్రి కూడా లభ్యమవుతుంది.

ఈ పార్కులో ఉండే డాగ్ క్లీనిక్‌లో శునకాలకు ఆరోగ్య పరీక్షలు, చికిత్సలు జరుపుతారు. స్ప్లాష్ పూల్, వాకింగ్ ట్రాక్, లూకేఫ్, పెద్ద – చిన్న కుక్కలను ఉంచేందుకు ప్రత్యేక ఎన్‌క్లోజర్లు కూడా ఉన్నాయి.

రూ.1.1 కోట్లు వ్యయంతో అంతర్జాతీయ ప్రమాణాలతో నిర్మించిన ఈ పార్కుకు కెన్నెల్ క్లబ్ ఆప్ ఇండియా గుర్తింపు కూడా లభించింది.

జీహెచ్‌ఎంసీ జోనల్ కమిషనర్ డి.హరిచందన మాట్లాడుతూ.. ఈ పార్కులో శునకాలకు ఉచిత వ్యాక్సినేషన్‌తో పాటు ప్రత్యేక ట్రైనర్లు కూడా ఉంటారని తెలిపారు.

ఈ పార్కుకు సమీపంలో ఉన్న సెంట్రల్‌, వెస్ట్ జోన్‌లలో 2.5 లక్షల మందికి పెంపుడు కుక్కలు ఉన్నాయని, వీరంతా ఈ పార్కును సద్వినియోగం చేసుకోవచ్చని హరిచందన తెలిపారు.

apteka mujchine for man ukonkemerovo woditely driver.