పసుపు.. మెదడుకు మంచిదేనా?

పసుపు వేయనిదే ఏ వంటకం పరిపూర్ణం కాదని పూర్వికుల విశ్వాసం. ఆరోగ్యానికి దివ్యౌషదంగా పనిచేసే పసుపును ఇటీవల బాగా నిర్లక్ష్యం చేస్తున్నాం. ఫాస్ట్ ఫుడ్, సరికొత్త రుచుల మోజులో పడి సాంప్రదాయ వంటకాలను విస్మరిస్తున్నాం. ఈ నేపథ్యంలో తాజా అధ్యయనం ఒకటి పసుపు లో మరో సుగుణాన్ని వెల్లడించింది. ఇప్పటివరకు పసుపును కేవలం యాంటిఆక్సిడెంట్, నొప్పి నివారిణిగా మాత్రమే తెలుసు. అయితే, పసుపు జ్ఞాపకశక్తి పెంపొందించడంతోపాటు రోజంగా ఉత్సాహంగా ఉంచేందుకూ తోడ్పడుతుందని పరిశోధకులు తెలిపారు.

దేశంలో పసుపును అతిగా వినియోగించే పూర్వికల్లో మెదడు సంబంధిత అల్జీమర్స్ వ్యాధులు చాలా తక్కువగా ఉండేవని ఈ సందర్భంగా గుర్తించారు. పైగా, వారిలో మేధోసంపత్తి కూడా ఎక్కువగా ఉన్నట్లు అమెరికాలోని యూనివర్శిటీ ఆఫ్ లాస్ ఏంజెలెస్ కు చెందిన పరిశోధకుడు గ్యారీ స్మాల్ తెలిపారు. పసుపు మెదడు వ్యాధులను నియంత్రించడమే కాకుండా, డిప్రెషన్ కు కారణమయ్యే అల్జిమర్స్ ను తగ్గిస్తుందన్నారు.

జ్ఞాపకశక్తి సమస్యలతో బాధపడుతున్న 50 నుంచి 90 ఏళ్ల వయస్సులో ఉన్న 40 మంది వ్యక్తులపై ఈ పరిశోధన జరిపారు. వీరికి రోజుకు రెండుసార్లు 90 మిల్లి గ్రాముల పసుపును తప్పకుండా ఆహారంగా తీసుకోవాలని సూచించారు. ప్రతి ఆరు నెలలకు ఒకసారి వీరిని పరీక్షించారు. 18 నెలల తర్వాత వీరిలో అనూహ్యమైన మార్పు కనిపించింది.

వారిలో విషయ సంగ్రహణ, జ్ఞాపకశక్తి 28 శాతానికి పెరిగినట్లు గుర్తించారు. వీరి రక్తంలో కలిసిన పసుపు రేణువులు మెదడుకు చేరి, అల్జిమర్స్ ను నియంత్రిస్తున్నట్లు తెలుసుకున్నారు. 18 నెలల తర్వాత వారిలో చాలా మార్పు గమనించామని, వారంతా గతంలో కంటే చురుగ్గా ఉన్నారని పరిశోధకులు తెలిపారు. చూశారుగా.. మీరు కూడా వాళ్లలాగేనే చురుగ్గా ఉండాలంటే, తప్పకుండా పసుపు ను ఆహారంగా తీసుకోండి. నేరుగా కాకున్నా కూరలు ద్వారా గానీ, పాలతో గానీ పసుపును శరీరానికి అందించవచ్చు.

apteka mujchine for man ukonkemerovo woditely driver.