‘సర్కార్’కు కోమలవల్లి చిక్కులు..

దళపతి విజయ్ తాజా చిత్రం ‘సర్కార్’ కలెక్షన్ల సునామీ సృష్టిస్తోంది. భారీ అంచనాల నడుమ విడుదలైన ఈ పొలిటికల్ డ్రామా తమిళనాట ప్రేక్షకులను విశేషంగా ఆకట్టుకుంటోంది. అయితే ఈ సినిమాలోని కొన్ని సన్నివేశాలు, వరలక్ష్మీ శరత్‌కుమార్ పాత్ర పేరుపై ఇప్పుడు తమిళనాట రచ్చ మొదలైంది. ఏకంగా తమిళనాడు ప్రభుత్వమే రంగంలోకి దిగింది. ఈ సినిమాలోని నెగిటివ్ రోల్ పోషించిన వరలక్ష్మీ శరత్‌కుమార్ పాత్ర పేరు కోమలవల్లి. వాస్తవానికి తమిళనాడు దివంగత మాజీ ముఖ్యమంత్రి జయలలిత అసలు పేరు కూడా కోమలవల్లినే. దీనికి తోడు సినిమాలో తన తండ్రికి అధిక మోతాదులో మందులు ఇచ్చి కోమలవల్లి చంపేస్తుంది. ఇప్పుడు ఈ సన్నివేశాలు, కోమలవల్లి పేరుపై అధికార అన్నాడీఎంకే పార్టీ విరుచుకుపడుతోంది.

ఇవి మాత్రమే కాకుండా, జయలలిత ముఖ్యమంత్రిగా ఉన్నప్పుడు అన్నాడీఎంకే ప్రభుత్వం ప్రవేశపెట్టిన కొన్ని సంక్షేమ పథకాల(ఉచితాలు)పై కూడా ‘సర్కార్’ సినిమాలో సెటైర్లు వేశారు. ఈ సన్నివేశాలన్నింటినీ తక్షణమే తొలగించాలని అన్నాడీఎంకే డిమాండ్ చేస్తోంది. లేకపోతే చట్టపరమైన చర్యలు తీసుకుంటామని హెచ్చరిస్తోంది. దీని కోసం ఏకంగా తమిళనాడు మంత్రులే రంగంలోకి దిగారంటే పరిస్థితి ఎలా ఉందో అర్థమవుతోంది. ఈ వివాదంపై తమిళనాడు మంత్రి కాదంబూర్ రాజు బుధవారం మీడియా సమావేశం నిర్వహించారు. ఇలాంటి రాజకీయ సినిమాలను ప్రజలు స్వాగతించరని అన్నారు. వివాదాస్పదంగా మారిన సన్నివేశాలను తీసేస్తే మంచిదని, ఒకవేళ తీయకపోతే చట్టపరమైన చర్యలు తీసుకుంటామని హెచ్చరించారు.

మూడు దశాబ్దాలుగా తమిళ ఇండస్ట్రీలో ఉంటూ అగ్ర హీరోగా వెలుగొందుతోన్న విజయ్ గురించి మంత్రి మాట్లాడుతూ.. ‘విజయ లాంటి ఎదుగుతున్న హీరో ఇలాంటి సినిమా చేయడం మంచిది కాదు’ అని వ్యాఖ్యానించారు. ఇక న్యాయ శాఖ మంత్రి సీవీ షన్ముగం మాట్లాడుతూ.. తన వ్యక్తిగత అభిప్రాయాన్ని సినిమాలో చూపించారని విజయ్‌పై మండిపడ్డారు. ‘ఈ వివాదానికి సంబంధించి సినిమాకు పనిచేసిన అందరూ బాధ్యులేనని నేను బలంగా నమ్ముతున్నాను. నటులు, నిర్మాతలు, కథకులు, థియేటర్ యజమానులు, ఎగ్జిబిటర్లు అందరిపైనా సబంధింత సెక్షన్ల కింద కేసులు పెడతాం. కేవలం విజయ్‌కు మాత్రమే కాదు, ఎవరికైనా ప్రభుత్వాన్ని విమర్శించే హక్కు ఉంది. కానీ ఈ సినిమా హింసను ప్రేరేపిస్తోంది. ఇది భయంకరమైన అపరాదం’ అంటూ షన్ముగం వ్యాఖ్యానించారు.

apteka mujchine for man ukonkemerovo woditely driver.