Mana Aksharam
  • Home
  • Breaking
  • ఏపీ ఎంసెట్‌-2019 నోటిఫికేషన్‌ విడుదల
Breaking Headlines News Technology

ఏపీ ఎంసెట్‌-2019 నోటిఫికేషన్‌ విడుదల

ఏపీ-ఎంసెట్‌-2019-నోటిఫికేషన్

ఏపీ ఎంసెట్‌-2019కు ఆన్‌లైన్‌ దరఖాస్తు ప్రక్రియ మంగళవారం(ఫిబ్రవరి 26) ప్రారంభమైంది.

ఇంటర్ అర్హత ఉన్నవారు, ఇంటర్ ద్వితీయ సంవత్సరం చదువుతున్న విద్యార్థులు దరఖాస్తు చేసుకోవడానికి అర్హులు.

అభ్యర్థులు రిజిస్ట్రేషన్‌ ఫీజుగా రూ.500, ప్రాసెసింగ్‌ రుసుము కింద రూ.26, కార్డు చెల్లింపులకు అదనంగా రూ.20.72 చెల్లించాల్సి ఉంటుంది.

ఇంజినీరింగ్, అగ్రికల్చర్ రెండు విభాగాలకు దరఖాస్తు చేసుకునేవారు రూ.1000 చెల్లించాల్సి ఉంటుంది.

ఏపీ ఆన్‌లైన్, టీఎస్‌ ఆన్‌లైన్, క్రెడిట్, డెబిట్, నెట్‌ బ్యాంకింగ్‌ ద్వారా ఫీజు చెల్లించవచ్చు.

అభ్యర్థులు ఎలాంటి అపరాధ రుసుము లేకుండా మార్చి 27 వరకు దరఖాస్తు చేసుకోవచ్చు. రూ.500 ఆలస్యరుసుముతో ఏప్రిల్ 4 వరకు; రూ.1,000 ఆలస్య రుసుముతో ఏప్రిల్ 9 వరకు; రూ.5,000 ఆలస్య రుసుముతో ఏప్రిల్ 14 వరకు; రూ.10,000 ఆలస్య రుసుముతో ఏప్రిల్ 19 వరకు దరఖాస్తు చేసుకోవడానికి అవకాశం ఉంది. 

దరఖాస్తు ఇలా..

✦ దరఖాస్తు సమయంలో విద్యార్థి తన ఇంటర్ సెకండియర్ హాల్‌‌టికెట్‌ నెంబరు, పదోతరగతి మార్కుల మెమో ప్రకారం పుట్టిన తేదీ, ఫోన్‌ నంబరు, ఈ-మెయిల్‌ ఐడీని తప్పనిసరిగా నమోదు చేయాలి. 

✦ ఫీజు చెల్లించిన తర్వాత అభ్యర్థి వివరాలతోపాటు.. రిఫరెన్స్‌ ఐడీతో కూడిన మెసెజ్ అభ్యర్థి నమోదుచేసిన ఫోన్ నెంబరుకు వస్తుంది. భవిష్యత్తు అవసరాల కోసం రిఫరెన్స్ ఐడీని భద్రపరచుకోవాల్సి ఉంటుంది. 

✦ దరఖాస్తు సమయంలో ఇంటర్ సెకండియర్ హాల్‌టికెట్, పదోతరగతి మెమో, కుల ధ్రువీకరణ పత్రం(ఎస్సీ, ఎస్టీ, బీసీ, ఈడబ్ల్యుఎస్‌), రేషన్‌కార్డు, ఆధార్‌కార్డు, సదరం ధ్రువీకరణ పత్రం(దివ్యాంగులు), ఆదాయ ధ్రువీకరణ పత్రం, నివాస ధ్రువీకరణ పత్రాలను తమ వద్ద ఉంచుకోవాల్సి ఉంటుంది. 

✦ ఆన్‌లైన్‌ దరఖాస్తులో విద్యార్థి మూడు రీజినల్ సెంటర్లను ఎంపిక చేసుకోవాల్సి ఉంటుంది.

✦ విద్యార్థి ప్రాధాన్యత ప్రకారం వాటిలో ఏదో ఒక సెంటర్ పరిధిలో పరీక్షా కేంద్రాన్ని కేటాయిస్తారు.

Related posts

సైకిల్ ఎక్కిన నాటి పి.ఆర్.పి మహిళా నేత!

ashok p

రేవంత్ రెడ్డి సీఎం కావొచ్చు.. ఆజాద్ షాకింగ్ కామెంట్లు!

ashok p

అదే స్టేషన్‌లో మరో ఎస్‌ఐ ఆత్మహత్య !!

ashok p