Mana Aksharam
  • Home
  • News
  • టిక్‌ టాక్‌కు హైకోర్టు బ్రేకులు.. కారణమిదే
Breaking Headlines Homepage-Slider National News Technology

టిక్‌ టాక్‌కు హైకోర్టు బ్రేకులు.. కారణమిదే

స్మార్ట్ ఫోన్ల యుగం నడుస్తోంది. ఫోన్ చేతిలో ఉంటే చాలు సెల్ఫీలు, డబ్ స్మాష్‌ల పిచ్చి పీక్స్‌కు చేరుతోంది. ఈ పిచ్చి చాలదన్నట్లు టిక్ టాక్ పేరుతో కొత్త పిచ్చి యువతు, చిన్నారులకు పట్టుకుంటోంది. టిక్ టాక్ యాప్‌కు బానిసలై పిచ్చి, పిచ్చి వీడియోలతో పిల్లలు, యువత పెడదారి పడుతోంది. ఈ టిక్ టాక్ దూకుడుకు మద్రాస్ హైకోర్టు మధురై బెంచ్ బ్రేకులు వేసింది. తమిళనాడులో టిక్ టాక్ యాప్‌ను నిషేధించాలని ఆదేశించింది.

టిక్ టాక్ యాప్‌పై నిషేధం విధించాలని దాఖలైన పిటిషన్‌పై మధురై బెంచ్ విచారణ జరిపింది. తమిళనాడులో చిన్నారులు టిక్ టాక్ యాప్‌కు బానిసలుగా మారుతున్నారని.. ఈ యాప్ పిల్లల ఆలోచనా విధానం, మానసిక స్థితిపై ప్రభావంతో చూపుతోందని అభిప్రాయపడింది. డివిజన్ బెంచ్‌లో ఉన్న జస్టిస్ ఎస్.‌ఎస్ సుందరం మీడియా సంస్థలకు కూడా కొన్ని సూచనలు చేశారు.

టిక్ టాక్ వీడియోలను ప్రసారం చేయొద్దని జస్టిస్ సుందరం మీడియా సంస్థలకు సూచించారు. ఆన్‌లైన్ ప్రైవసీ ప్రొటెక్షన్ యాక్ట్‌ తీసుకొచ్చే అంశంపై స్పందించాలని కేంద్రాన్ని కోరారు. యువత, పిల్లలు ఈ టిక్ టాక్ యాప్‌కు బానిసలుగా మారుతున్నారని అభిప్రాయపడ్డారు. వారి భవిష్యత్ నాశనం అవుతుందని.. అందుకే ఈ నిర్ణయమంటున్నారు. ఈ పిటిషన్‌పై తదుపరి విచారణ ఏప్రిల్ 16కు వాయిదా వేసింది.

ఫిబ్రవరిలో టిక్ టాక్‌పై నిషేధం విధించాలని తమిళనాడు ఐటీ మంత్రి కేంద్రాన్ని కోరారు. యాప్‌‌ను నిషేధించేందుకు చర్యలు తీసుకుంటున్నామని మంత్రి అసెంబ్లీలో తెలిపారు. హింసను ప్రేరేపించే సంభాషణలు యాప్‌లో ఉన్నాయని.. రాజకీయ నేతలకు సంబంధించిన ప్రసంగాలను పోస్టు చేస్తున్నారని గుర్తు చేశారు. వివాదాస్పద కామెంట్లు చేస్తూ వీడియోలు పోస్టు చేస్తున్నారంటోంది తమిళనాడు సర్కార్.

Related posts

జగన్‌కు సుజయ కృష్ణ హెచ్చరిక

admin

బోండా ఉమ భార్యకు నోటీసులు

admin

ఉండవల్లి ప్రశ్నలకు సమాధానం ఎక్కడ?

admin