Mana Aksharam
  • Home
  • Breaking
  • నేడు రాజమండ్రిలో జనసేన ఆవిర్భావ సభకు భారీ ఏర్పాట్లు
Breaking Headlines Homepage-Slider News Politics

నేడు రాజమండ్రిలో జనసేన ఆవిర్భావ సభకు భారీ ఏర్పాట్లు

గురువారం రాజమండ్రిలో జనసేన పార్టీ ఆవిర్భావ సభను నిర్వహిస్తున్నారు. ఇందుకు ఆర్ట్స్‌ కళాశాల మైదానంలో విస్తృత ఏర్పాట్లు చేశారు. మధ్యాహ్నం మూడు గంటలకు సభ ప్రారంభం కానుండగా, 13 జిల్లాల నుంచి భారీ సంఖ్యలో పార్టీ నేతలు, కార్యకర్తలు తరలిరానున్నారు. కాగా, ఈ సభలోనే పవన్ కల్యాణ్ తన మేనిఫెస్టోను ప్రకటిస్తారని జనసేన వర్గాలు అంటున్నాయి. ఇక్కడ నుంచే ఎన్నికల ప్రచారాన్ని ప్రారంభించనున్న పవన్, ఈ సభకు యుద్ధ శంఖారావంగా నామకరణం చేశారు. తమ పార్టీ అధికారంలోకి వస్తే ప్రజలకు ఏం చోయబోతామనే అంశాలను పవన్ ఈ సభ ద్వారా వెల్లడించే అవకాశం ఉందని భావిస్తున్నారు. మేనిఫెస్టోలో ఏయే అంశాలను పరిగణనలోకి తీసుకుంటామో వివరిస్తూ గత ఆగస్టులో జనసేన ఒక పత్రం విడుదల చేసింది. ఇందులో ఉచిత వంట గ్యాస్‌ సిలిండర్లు, నిత్యావసరాలకు బదులు నగదు బదిలీ లాంటివి అందులో ప్రస్తావించారు. 

ప్రధానంగా రైతులు, మహిళలు, యువతే లక్ష్యంగా మేనిఫెస్టోను రూపొందిస్తోన్న జనసేన ఇతర పార్టీల మాదిరిగానే రైతులకు ఆర్ధిక సాయం అందజేయాలని నిర్ణయించింది. ఎకరానికి రూ.8000 చొప్పున అందజేసేలా మేనిఫెస్టోలో విధివిధానాలను ఇందులో పొందుపర్చినట్టు తెలుస్తోంది. కేంద్రం అందజేస్తోన్న పీఎం కిసాన్ సమ్మాన్ నిధి కంటే భిన్నమైందని, తమ పథకం వల్ల హెక్టారుకు రూ.20,000 వరకు సాయం అందుతుందని జనసేన వర్గాలు పేర్కొంటున్నాయి. మేనిఫెస్టో రూపకల్పనలో రిటైర్డ్ అధికారులు, ప్రొఫెసర్లను భాగస్వాములుగా చేసిన పవన్‌, వారితో సమావేశాలు నిర్వహించారు. 

ఇక, మహిళల భద్రతకు కూడా మేనిఫెస్టోలో పెద్దపీట వేయనున్నారు. అలాగే ఉచిత విద్య, వైద్యంతోపాటు యువతకు ఉపాధి కల్పనపై కూడా ఇందులో ప్రస్తావించనున్నారు. ఇక, గత అక్టోబరులో ఇక్కడ నిర్వహించిన జనసేన కవాతు విజయవంతమైన నేపథ్యంలో ఆవిర్భావ సభను కూడా రాజమండ్రిలోనే నిర్వహించాలని పవన్‌ కల్యాణ్‌ నిర్ణయించారు. ఇందుకు తగ్గ ఏర్పాట్ల బాధ్యతలను ఆకుల సత్యనారాయణ, కందుల దుర్గేష్‌ తదితరులకు అప్పగించారు. 

Related posts

శ్రీశైలం ప్రాజెక్ట్ మూడు గేట్లు ఎత్తివేత

ashok p

రేపట్నుంచి పార్లమెంటు వర్షాకాల సమావేశాలు

Manaaksharam

బాబు సినిమాలు అట్టర్ ప్లాప్, నల్ల చొక్కా ఒక డ్రామా.!

Manaaksharam