Mana Aksharam
  • Home
  • Sphoorthi
  • ‘‘ప్రార్థించే పెదవుల కన్నా సేవించే చేతులు మిన్న’’….మథర్ థెరిసా
Sphoorthi

‘‘ప్రార్థించే పెదవుల కన్నా సేవించే చేతులు మిన్న’’….మథర్ థెరిసా

ఎదుటి వ్యక్తి కష్టాల్లో ఉంటే.. సెల్ఫీలు తీసుకుని సంతోషించే రోజులివి. రోడ్డుపై ప్రమాదం జరిగి ప్రాణం కోసం పరితపించే వ్యక్తి వీడియో స్నేహితులతో పంచుకునే అమానవీయ లోకమిది. కానీ, ఆమె.. తోటివారికి సాయం చేయడానికి తన వ్యక్తిగత జీవితాన్నే త్యజించింది. కష్టాల్లో ఉన్నవారికి వెతికి మరీ సాయమందించిన అమ్మ మనసు ఆమెది.
• మదర్ థెరీసా 1910 ఆగష్టు 26న యుగోస్లేవియాలో జన్మించారు.
• మథర్ థెరిసా అసలు పేరు.. ఆగ్నెస్ గోన్క్సా బొజాక్ష్యు.
• ఆగస్టు 26, 1910లో నికోల్లే, డ్రాన బొజాక్షిహ్యుల ఆఖరి సంతానం థెరిసా. 1919లో తండ్రి జబ్బుతో మరణించారు. మృత్యువుకి ముందు ఆయన పడిన బాధ చూసి.. మదర్ థెరిసా 12 ఏళ్ల వయస్సులోనే సేవకు అంకితమయ్యారు.
• 18వ ఏట సిస్టర్స్ ఆఫ్ లోరెటో సంఘంలో చేరిన థెరిసా.. 1937, మే 4న కోల్‌కతాలో ఆ సంస్థకు చెందిన స్కూల్లో టీచర్‌గా చేరారు.
• కోల్‌కతాలోని మురికివాడల్లో దయనీయ పరిస్థితి ఆమెను కలచివేసింది. దీంతో టీచర్ ఉద్యోగానికి స్వస్తి పలికి.. మానవ సేవకు కదిలారు.
• అనాథల కోసం మొతిజిల్ అనే పాఠశాలను ఏర్పాటు చేశారు.
• అనాథల పోషణకు తగిన నిధులు లేకపోవడంతో.. కోల్‌కతా వీధుల్లో యాచించి మరీ వారి పొట్ట నింపేవారు.
• ఆమె సేవానిరతిని గుర్తించిన కొందరు వాలంటీర్లుగా ముందుకొచ్చి మదర్‌కు సాయంగా నిలిచారు.
• అప్పటి నుంచి ఆ స్కూలుకు ఆర్థిక సాయం లభించడం మొదలైంది.
• 1950లో వాటికన్ అనుమతితో ‘మిషనరీస్ ఆఫ్ చారిటీ’ ఏర్పాటు చేశారు.
• ఈ చారిటీ ద్వారా ఆమె సుమారు 45 ఏళ్లు పేదలకు, రోగులకు సేవలందించారు. అనేక అనాథ శరణాలయాలు, ధర్మశాలలు, హెచ్ఐవీ, కుష్టు వ్యాధిగ్రస్తులకు ప్రత్యేక కేంద్రాలు ఏర్పాటు చేశారు.
• 1951లో థెరీసాకు భారత పౌరసత్వం లభించింది.
• 1979లో ఆమె సేవలకు గుర్తింపుగా నోబెల్ శాంతి బహుమతి లభించింది.
• 1980లో భారతరత్న పురస్కారం వరించింది.
• థెరీసా సేవలు కేవలం ఇండియాకే పరిమితం కాలేదు. ఆసియా, ఐరోపా, ఆఫ్రికా, రోమ్, టాంజానియా, ఆస్ట్రియాలకు సైతం తన సేవలను విస్తరించారు.
• జాయన్ గ్రాఫ్ క్లూకాస్ రాసిన జీవితచరిత్ర ప్రకారం12 సంవత్సరాల వయస్సు వొచ్చిన తరువాత ఆమె తన జీవితాన్ని మతానికి అంకితం చేయాలని నిశ్చయించుకున్నారు.
• కేవలం నిరాశ్రయులకే కాకుండా వరద బాధితులకు, అంటువ్యాధులు సోకినవారికి, బాధితులు, శరణార్థులు, అంధ, వికలాంగ, వృద్ధులకు, మద్యపాన వ్యసనానికి బానిస అయినవారికి సైతం థెరీసా సేవలందించారు.
• 1982లో ఇజ్రాయిల్ – పాలస్తీనా గెరిల్లాల పోరు మధ్య చిక్కుక్కున్న 37 మంది పిల్లలను థెరీసా కాపాడారు. రెడ్ క్రాస్ కార్యకర్తలతో కలిసి ఆమె అక్కడికి వెళ్లి వైద్య సేవలు అందించారు.
• 1997న మార్చి 13న మిషనరీస్ ఆఫ్ చారిటీ అధినేత పదవికి థెరీసా రాజీనామా చేశారు. అదే ఏడాది తీవ్ర అనారోగ్యంతో సెప్టెంబర్ 5న మరణించారు. అయితే, ఆమెను ఇప్పటికీ బోర్డు అధినేతగా ఎన్నుకుంటూ ఆమె తమతోనే ఉందని చారిటీ సభ్యులు చాటిచెబుతున్నారు.

 

Related posts

నిశ్శబ్ద గుండెపోటుని పసిగట్టే పరికరాన్ని రూపొందించిన పదో తరగతి బాలుడు

admin

అడుగు వేయలేదు కానీ ఆశయం సాధించింది!

admin

స్నేహం కోసం

admin