Mana Aksharam
  • Home
  • Breaking
  • మంగళగిరి బరిలో లోకేష్ గెలుపు సాధ్యమేనా !!
Andhra Breaking Homepage-Slider News Politics

మంగళగిరి బరిలో లోకేష్ గెలుపు సాధ్యమేనా !!

ఏపీ సీఎం చంద్రబాబు నాయుడు తనయుడు, మంత్రి నారా లోకేష్ తొలిసారి ప్రత్యక్ష ఎన్నికల బరిలో దిగబోతున్నారు. ఆయన భీమిలి నుంచి పోటీ చేస్తారని తొలుత వార్తలొచ్చాయి. గంటా శ్రీనివాస రావు స్థానంలో ఆయన బరిలో దిగుతారనే ప్రచారం జరిగింది. కానీ ఫైనల్‌గా మంగళగిరి నుంచి లోకేష్ అభ్యర్థిత్వం ఖరారైంది. రాజధాని ప్రాంతం కావడం, సామాజిక సమీకరణలు, రాజధానికి భూములు ఇచ్చిన రైతుల్లో సానుకూలత తదితర కారణాలతో లోకేష్‌ను మంగళగిరి నుంచి బరిలో దింపడమే సరైందని టీడీపీ నాయకత్వం భావించింది.

కాగా మంగళగిరి నుంచి 2014లో వైఎస్ఆర్సీపీ తరఫున ఆళ్ల రామకృష్ణా రెడ్డి గెలుపొందారు. ఆయనకు 88,977 ఓట్లు రాగా.. టీడీపీ అభ్యర్థి గంజి చిరంజీవికి 88965 ఓట్లొచ్చాయి. కేవలం 12 ఓట్ల తేడాతో ఆయన ప్రత్యర్థిపై గెలుపొందారు. ఆళ్లకు మంగళగరి వ్యాప్తంగా మంచి పేరుంది. పేదల కడుపు నింపడం కోసం రూ.4కే భోజనం అందించడం, రూ.10కే సంచి నిండా కూరగాయలు అందించడం తదితర కార్యక్రమాలను ఆయన చేపడుతున్నారు.

ఓవైపు అధికార టీడీపీతోనే తలపడుతూనే నియోజకవర్గంలో రామకృష్ణారెడ్డి తన పట్టును పెంచుకున్నారు. జగన్‌కు నమ్మిన బంటులా ఉన్న ఆయన పలు అంశాలపై పిటిషన్లు దాఖలు చేశారు. అమరావతిలో నిబంధనలు పాటించడం లేదంటూ పలు పిటిషన్లు దాఖలు చేశారు. హైదరాబాద్‌లో డీజీపీ ఠాకూర్ స్థల ఆక్రమణ, ఓటుకు నోటు కేసు, సాధికార మిత్ర, సదావర్తి భూములు, ఎమ్మెల్యేలపై అనర్హత వేటు, సివిల్ సర్వెంట్లకు భూముల కేటాయింపు, జగన్ పై కోడి కత్తి కేసు దర్యాప్తు.. ఇలా పలు పిటిషన్లు దాఖలు చేసిన ఆళ్ల రామకృష్ణారెడ్డి అడుగడుగునా ప్రభుత్వానికి ఆటంకాలు కల్పించారు.

కానీ ఇటీవల ఆయన అజ్ఞాతంలోకి వెళ్లారు. వచ్చే ఎన్నికల్లో జగన్ టికెట్ ఖరారు చేయకపోవడంతోనే ఆయన కనిపించకుండా పోయారనే వార్తలొచ్చాయి. టీడీపీ కౌన్సెలర్ ఉడతా శ్రీను ఇటీవల వైఎస్ఆర్సీపీలో చేరారు. చేనేత వర్గానికి చెందిన ఆయనకే మంగళగిరి టికెట్ దక్కుతుందనే వార్తలొచ్చాయి. ఒకవేళ మంగళగిరి నుంచి ఆళ్ల పోటీలో ఉంటే మాత్రం లోకేష్‌కు గట్టి పోటీనిచ్చే అవకాశం ఉంది.
మంగళగిరి ప్రాంతంలో చేనేత కార్మికులు, ముస్లింల ఓట్లు ఎక్కువ. వీరు ఎవరి వైపు మొగ్గితే విజయం వారినే వరించే అవకాశం ఉంది. చేనేత వర్గానికి చెందిన ఉడుత శ్రీనును ఆళ్ల కలుపుకొని పోగలిగితే.. మంగళరిలో లోకేష్‌కు గట్టిపోటీ ఎదురయ్యే ఛాన్స్ ఉంది

Related posts

ఏపీ, తెలంగాణల్లో ఉక్కు పరిశ్రమలపై కేంద్రం కీలక ప్రకటన

ashok p

ఖుష్బూ టార్గెట్ కవిత!

ashok p

విజయసాయి రెడ్డికి అక్కడేం పని?

Manaaksharam