Mana Aksharam
  • Home
  • News
  • Andhra
  • మచిలీపట్నం నుంచి లోక్‌సభ బరిలో వంగవీటి రాధా?
Andhra Breaking Headlines Homepage-Slider News Politics

మచిలీపట్నం నుంచి లోక్‌సభ బరిలో వంగవీటి రాధా?

వంగవీటి రాధ చేరికతో కృష్ణా జిల్లా టీడీపీ శ్రేణుల్లో ఉత్సాహం తొణికిసలాడుతోంది. రాధ చేరికతో రాష్ట్రవ్యాప్తంగా ఉన్న రంగా-రాధ మిత్రమండలి సభ్యులంతా తమ పార్టీకే వెన్నుదన్నుగా ఉంటారని టీడీపీ నేతలు భావిస్తున్నారు. వైసీపీలో తనకు జరిగిన అవమానాన్ని రాధ మీడియా సాక్షిగా వెల్లడించడంతో కాపు సామాజిక జీర్ణించుకోలేకపోతోంది. తమ నేతను కాపాడుకోలేని పార్టీ ఇతర సామాజిక వర్గాలకు ఏం న్యాయం చేస్తుందన్న భావన వారిలో కనిపిస్తోంది. 

మరోవైపు తనను నమ్మి పార్టీలో చేరిన వంగవీటి రాధాకు సమున్నత స్థానం కల్పించాలని టీడీపీ బాస్ చంద్రబాబు యోచిస్తున్నారు. దీనిలో భాగంగానే ఆయన్ని మచిలీపట్నం నుంచి లోక్‌సభ బరిలో దించాలని చూస్తున్నారు. ఈ పార్లమెంటు నియోజకవర్గ పరిధిలో సుమారు 2.50లక్షల కాపు సామాజికవర్గం ఓట్లు ఉన్నాయి. ఇక్కడి నుంచి రాధా పోటీ చేస్తే పార్లమెంటు నియోజకవర్గంతో పాటు, దాని పరిధిలోని అసెంబ్లీ స్థానాలపైనా సానుకూల ప్రభావం చూపుతుందని టీడీపీ వర్గాలు అంచనా వేస్తున్నాయి. 

వంగవీటి రాధా మచిలీపట్నం నుంచి పోటీచేస్తే సిట్టింగ్ ఎంపీ కొనకళ్ల నారాయణ ఎక్కడి నుంచి పోటీ చేస్తారన్న ప్రశ్న పార్టీ శ్రేణుల్లో నెలకొంది. దీంతో కొనకళ్లను పెడన అసెంబ్లీ నియోజకవర్గం నుంచి బరిలో దించే యోచనలో చంద్రబాబు ఉన్నట్లు సమాచారం. ఆయన కూడా తనకు పెడన సీటు కావాలని ఎప్పటినుంచో అధినేత చంద్రబాబును కోరుతున్నారట. ఈ కారణంగా పెడన సీటును పార్టీ పెండింగ్‌లో పెట్టినట్లు తెలుస్తోంది. 

Related posts

ఎమ్మెల్సీ పదవికి కొండా మురళి రాజీనామా

ashok p

జాతీయ నేతలతో చంద్రబాబు వరుస భేటీ..

ashok p

సచివాలయంలో అందరి ద్రుష్టి నారాయణ పైనే!

ashok p