Mana Aksharam
  • Home
  • Entertainment
  • సమంత వల్లనే మజిలీ ప్రీ-రిలీజ్ అంత జరిగిందా?
Entertainment Gossips

సమంత వల్లనే మజిలీ ప్రీ-రిలీజ్ అంత జరిగిందా?

majili pre-release business

అక్కినేని నాగచైతన్య కెరీర్ ఒడిదుడుకుల గురించి తెలిసిందే. మాస్ హీరోగా తనని తాను ఆవిష్కరించుకోవాలని ప్రయత్నించిన ప్రతిసారీ ఫెయిల్ అవుతూ వస్తున్నాడు. దడ- బెజవాడ- ఆటోనగర్ సూర్య- యుద్ధం శరణం- సవ్యసాచి .. ఇవన్నీ ఆ తరహా ప్రయత్నాలే అన్ని బెడిసికొట్టాయి. మాస్ యాక్షన్ ఎంచుకున్న ప్రతిసారీ సక్సెస్ కాలేకపోయాడు. అయితే ప్రేమకథా చిత్రాలు, ఫ్యామిలీ కథాంశాల్ని ఎంపిక చేసుకున్న ప్రతిసారీ చైతూ సక్సెస అవుతూ వస్తున్నాడు. ఏ మాయ చేశావే- ప్రేమమ్- రారండోయ్ వేడుక చూద్దాం లాంటి సినిమాల సక్సెస్ అందుకు నిదర్శనం. తన బాడీ లాంగ్వేజ్ కి సూటయ్యే సినిమాలు ఇవే అని ప్రేక్షకులు ముద్ర వేశారు. అయితే ఈసారి వీటన్నిటికంటే భిన్నంగా చైతూ ఓ మధ్య తరగతి నేపథ్యం ఉన్న కథాంశాన్ని ఎంచుకున్నాడు. అందులోనే చక్కని ప్రేమకథ .. ఎమోషన్స్ ఉండేలా జాగ్రత్త పడ్డాడు. అందుకే మజిలీకి సంబంధించిన ప్రతి అప్ డేట్ సినిమా మీద అంచనాల్ని పెంచుతూ వస్తుంది. నిన్ను కోరి లాంటి సెన్సిబిలిటీస్ ఉన్న సినిమా తీసిన శివ నిర్వాణ ఈ చిత్రాన్ని తీస్తుండడంతో ఆడియెన్ లోనూ ఆసక్తి పెరిగింది. మార్కెట్ వర్గాల్లో ఇది పాజిటివిటీ నింపిందని తెలుస్తోంది.
ఈ సినిమాకి రిలీజ్ ముందే 15 కోట్ల మేర ప్రీరిలీజ్ బిజినెస్ రూపంలో నిర్మాతకు లాభాలు సాధ్యమైందని తెలుస్తోంది. థియేట్రికల్ హక్కులు డబ్బింగ్- శాటిలైట్ డిజిటల్ రూపంలో భారీ మొత్తాన్ని షైన్ స్క్రీన్స్ సంస్థ ఆర్జించిందన్న సమాచారం అందుతోంది. ఈ సినిమా శాటిలైట్ హక్కుల్ని టాలీవుడ్ కి చెందిన ఓ ప్రయివేట్ ఎంటర్ టైన్మెంట్ చానెల్ 5కోట్లకు దక్కించుకుంది. 3.5 కోట్లకు అమెజాన్ డిజిటల్ హక్కుల్ని కొనుక్కుందని సమాచారం. హిందీ డబ్బింగ్ రైట్స్ రూపంలో మరో 4కోట్లు నిర్మాతకు దక్కింది. ఏప్రిల్ 5న ఈ సినిమా రిలీజవుతోంది.

ఇటీవలే రిలీజైన పాటలకు మంచి స్పందన వచ్చింది. చైతన్య లుక్ పోస్టర్లలో చైతన్య – సమంత జోడీ మధ్య కెమిస్ట్రీ ప్రతిదీ క్యూరియాసిటీ పెంచాయి. ఇది ప్రీరిలీజ్ బిజినెస్ పరంగానూ కలిసొచ్చిందని చెబుతున్నారు. ఓవరాల్ గా 14-15 కోట్ల మేర ముందే లాభాలార్జించారని చెబుతున్నారు. చైతన్య – సమంత జంట పెళ్లి తర్వాత నటిస్తున్న సినిమా ఇది. ఎంపిక చేసుకున్న కథాంశంలో డెప్త్ ఉండడం వల్లనూ మార్కెట్ వర్గాల్లో క్రేజు నెలకొందని విశ్లేషిస్తున్నారు. సవ్యసాచి లాంటి ఫ్లాప్ తర్వాత చైతూ కంబ్యాక్ ఎలా ఉంటుందోనన్న ఆసక్తికర చర్చ సాగుతున్న వేళ.. మొత్తానికి చైతన్య తన కెరీర్ బెస్ట్ బిజినెస్ చేశాడు. దీనికి తగ్గట్టే బెస్ట్ హిట్ కొట్టి తీరాల్సిన సన్నివేశం ఉందిప్పుడు. పెళ్లి కాకముందు ఎం మాయ చేసావేతో మంచి హిట్ అందుకున్న సామ్- చాయ్ జంట పెళ్లి తర్వాత చేస్తున్న మజిలీతో కూడా మంచి హిట్ అందుకుంటారని ఆశిద్దాం.

Related posts

రాజేంద్ర ప్రసాద్‌కు అరుదైన గౌరవం..

ashok p

నోటీసులు పై ఎన్టీఆర్ స్పందించారు..

ashok p

వెంకటేష్ హీరోయిన్ ఇప్పుడు ఏంచేస్తుందో తెలుసా..?

ashok p